Laun um páskana
Vert er að minna á að samkvæmt kjarasamningum ber atvinnurekendum að greiða starfsfólki álag á stórhátíðum, en næstu dagar sem eru stórhátíðir teljast föstudagurinn langi og páskadagur. Skírdagur og annar í páskum teljast auk þess almennir frídagar.
Öll vinna á stórhátíðardögum greiðist með tímakaupi, sem er 1,375% af mánaðarlaunum fyrir dagvinnu. Fyrir yfirvinnu á öðrum frídögum skal greiða 80% álag á dagvinnutímakaup eða 1,0385% af mánaðarlaunum fyrir dagvinnu.
Í vaktavinnu skal greiða 45% (55% hjá ríki og sveitafélögum) vaktaálag á sérstökum frídögum en 90% vaktaálag á stórhátíðardögum samkvæmt samningi SGS og SA og SGS við ríki og sveitarfélög.