Líkamsrækt / Heilsuefling

Endurgreidd er 50% af kostnaði hverrar nótu, þó að hámarki kr. 55.000 á hverju almanaksári frá 1. júní 2026, 50.000 kr fyrir nótur fyrir þann dag.
Til að fá endurgreiðslu þarf að skila inn greiðslukvittun.

Leiðbeiningar til að sækja kvittun frá World Class

Gleraugna- / Linsustyrkur

Vegna kaupa á einum gleraugum er greitt 50% af kostnaði samkvæmt framvísun reiknings, þó að hámarki kr. 70.000-.
Vegna linsukaupa er greitt 50% af kostnaði samkvæmt framvísun reiknings, þó að hámarki kr. 20.000-.
Samanlagður styrkur vegna einna gleraugna og/eða linsukaupa getur þó ekki numið hærri fjárhæð en kr. 70.000- á almanaksárinu.

Laser / Lasik aðgerð

Endurgreidd er 50% af kostnaði, þó að hámarki 130.000 kr. frá 1. júní 2026, en 90.000 kr fyrir nótur fyrir þann dag.
Til að fá endurgreiðslu þarf að skila inn greiðslukvittun.

Fæðingarstyrkur

Félagsmaður á rétt á styrk að upphæð 150.000 kr, fyrir börn fædd eftir 1. júní 2026, 120.000 kr fyrir börn fædd fyrir þann dag.
Skila þarf inn fæðingarvottorði til að fá styrkinn greiddan.
Réttur er reiknaður út frá fæðingardegi barns/barna.

Tæknifrjóvgun (IVF)

Styrkur er greiddur í allt að þrjú skipti vegna tækni- eða glasafrjóvgunar, framkvæmdar á Íslandi.
Endurgreidd er 50% af hlut sjúklings, þó að hámarki
130.000 kr frá 1. júní 2026, en aðgerðir fyrir þann dag 120.000 kr.
Félagsmaður þarf að skila inn vottorði frá lækni sem framkvæmir aðgerðina, eða vottorði frá heimilislækni, þar sem fram kemur að um slíka aðgerð sé að ræða.
Fái félagsmaður fulla greiðslu frá öðrum aðila, fellur réttur hans niður.

Tannlæknakostnaður

Styrkur vegna tannlækninga að hámarki 25.000 kr frá 1. júní 2026, 20.000 kr fyrir nótur dagsettar fyrir þann dag.
Skila þarf inn greiðslukvittun til að fá endurgreiðslu.

Styrkur í formi dagpeninga vegna áfengis- og fíkniefnameðferðar.

Greitt er vegna einnar meðferðar á fimm ára fresti, miða skal við grein 12.3 í reglugerði sjóðsins.

Dagpeningar eru greiddir í allt að 90 daga.

Skila þarf inn vottorði frá íslenskri meðferðarstofnun og vottorði frá atvinnurekanda um að viðkomandi fái ekki greidd laun á tímabilinu.

Greitt er 50 % af kostnaði gegn framvísun nótu en þó að hámarki 130.000 kr frá 1. júní 2026, 120.000 kr fyrir þann dag.

Göngugreining
• Veittur er styrkur vegna göngugreiningar að hámarki 10.000 kr. á hverju almanaksári.
• Skila þarf inn greiðslukvittun til að fá endurgreiðslu.

Sjúkraþjálfun / Sjúkranudd og Hnykkjari
• Greitt er 50% af kostnaði sjúklings samkvæmt greiðslukvittun.
• Hámarksfjöldi er 20 skipti á hverju almanaksári.
• Skila þarf inn greiðslukvittun, þar sem fram kemur fjöldi skipta.

Sálfræðimeðferð
• Greitt er 50% af kostnaði sjúklings samkvæmt greiðslukvittun, þó að hámarki 90.000 kr.
• Skila þarf inn greiðslukvittun, þar sem fram kemur fjöldi skipta.
• Greitt er fyrir allt að 15 skipti á hverju almanaksári.

Skoðun hjá hjartasérfræðingi

• Greitt er 50% af kostnaði sjúklings, þó að hámarki 25.000 kr.
• Skila þarf inn greiðslukvittun til að fá endurgreiðslu.

Krabbameins- og skimunarskoðanir

Veittur er styrkur vegna krabbameinsskoðana og fyrirbyggjandi skimunarrannsókna, m.a. brjóstaskoðunar, blöðruhálsskoðunar, ristilskimunar og ristilspeglunar.
Greitt er 50% af hlut sjúklings samkvæmt greiðslukvittun, þó að hámarki kr. 20.000 í eitt skipti á hverjum 12 mánuðum.

Dvöl á Heilsustofnun NLFÍ
• Greitt er 50% af kostnaði sjúklings, að hámarki 50.000 kr. á hverju almanaksári.
• Skila þarf inn afriti af beiðni frá lækni og greiðslukvittun til að fá endurgreiðslu.

Útfarastyrkur

• Styrkur að upphæð 70.000 kr. er veittur til félagsmanna sem ekki falla undir reglugerð sjóðsins en voru félagsmenn við starfslok.
• Skilyrði styrkveitingarinnar er að hinn látni hafi verið sjóðsfélagi í a.m.k. 5 ár fyrir starfslok.
• Vitja þarf styrksins innan 6 mánaða frá því rétturinn stofnaðist.
• Skila þarf inn dánarvottorði.

Viðbót: Réttur til styrks er byggður á iðgjaldaskráningum sem liggja fyrir hjá félaginu. Liggi ekki fyrir fullnægjandi upplýsingar í kerfum félagsins vegna eldri félagsaðildar eða iðgjaldagreiðslna er umsækjanda skylt að leggja fram gögn sem staðfesta réttinn, svo sem launaseðla, staðfestingu atvinnurekanda eða önnur sambærileg gögn. Félagið getur eingöngu metið rétt á grundvelli þeirra gagna sem tiltæk eru eða lögð eru fram.